Eyyâm-ı mâtemdir

Habîb-i kibriyâ ağlar bugün eyyâm-ı mâtemdir
Aliyyü’l-murtezâ ağlar bugün eyyâm-ı mâtemdir

Semâvât u zemîn ağlar bugün âlem kara bağlar
Bugün hayru’n-nisâ ağlar bugün eyyâm-ı mâtemdir

O şâhın derdine yandı bu âlem kana boyandı
Bugün âh arş’a dayandı bugün eyyâm-ı mâtemdir

Cinânın hûr u gılmânı bugün ağlar o sultânı
Melekler eyler efgânı bugün eyyâm-ı mâtemdir

Görünce şems-i sâdâtı cihân nûr-ı hidâyâtı
Eder eşyâ münâcâtı bugün eyyâm-ı mâtemdir

Huseyn evlâd-ı zehrâ’dır mukarreb ind-i mevlâ’dır
Zehî kadr-i mu’allâdır bugün eyyâm-ı mâtemdir

Bu hikmet-hânede sultân olunca kân ile elvân
Bugün ağlar zevi’l-îmân bugün eyyâm-ı mâtemdir

Hudâ’nın lutfî ihsânı olur dostları kurbânı
Yere dökülür al kânı bugün eyyâm-ı mâtemdir

 Nutku Şerif Alvarlı Efe Hazretlerine aittir..