Zehî kenz-i hafi kandan gelür her var olur peydâ
Gehî zulmet zuhûr eyler gehî envâr olur peydâ
Zehî deryâ-yı vahdet kim kesilmez hergiz emvacı
Bu keşret ‘âlemi andan toğup nâçâr olur peydâ
Ne sihr-i bü’l-'acebdür kim bu yüzden ’görinür ağyar
O yüzden gayrı yok tenhâ gelür dildâr olur peydâ
Taşınur günde yüzbin cân ’adem iklimine her dem
Gelür yüzbin dahî andan bulur imâr olur peydâ
O yüzden görüben a'yân döner şem-i cemâline
Felekler de görüp anı döner edvâr olur peydâ
Taşun içe hayâlâtı içün taşa zuhürâtı
Birinden ol birine tuhfeler her bâr olur peydâ
O devr ile gelüpdür enbiyâ mürsel merâtibce
Gehî mü'min zuhûr eyler gehî küffâr olur peydâ
Tecellî eyledikçe ol sarây-ı sırrı ‘ahfada
Bu sûret âlemi içre satı bâzâr olur peydâ
Anun zâtına ğâyet şununa hergiz nihayet yok
Anunçün her bir İsminden gelür bir kâr olur peydâ
Tecellî eyler ol dâim celâl ü geh cemâlinden
Birinün hâsılı cennet birinden nâr olur peydâ
Cemâli zâhir olsa tiz celâli yakalar anı
Görürsün bir gül açılsa yanında hâr olur peydâ
Bu sırdandur ki bir kâmil zuhûr itse bu 'âlemde
Kimi ikrâr ider anı kime inkâr olur peydâ
Velî ‘ârif celâl içre cemâlini görür dâim
Bu hâristânın içinde ana gülzâr olur peydâ
Ne surdur kim iki kimse nazar eyler bu ekvâna
Biri ancak görür darı bire deyyâr olur peydâ
İçi ummân-ı vahdetdür yüzi sahrâ-yı kesretdür
Yüzin gören görür ağyar içinde yâr olur peydâ
Alan lezzâtı birlikden halâs olur ikilikden
Niyazi kande baksa ol hemân dîdâr olur peydâ
Görür ol kenz-i mahfiden nice zâhir olur eşyâ
Bilür her nakş-ı sûretden nice esrâr olur peydâ
Hiç yorum yok:
Yorum Gönder